ام علي ضلت سنين بحسرة علي تفور
كًصدة علي و كًالت ياعلي
بجاهك اريدن علي
واللك منذور
اجاها علي واتغير الحال
يمه ودي بالكًلب تنشال
وابني دايره سور
تشوفه سنه بعد سنه يكبر
دخل مدرسه وبين الشطار اشطر
تقراله معوذات وتنشره ببخور
تخاف عليه من العين
ومن الهوا الطاير لو مس الجبين
وتمنت هل الولد يصير دكتور
السما بلحضتها فاتحه الباب
دعة من الله واستجاب
والابن صار دكتور
الزمن ما خلة فرحة ام علي تكمل
اجت وجوه الشر واخذت علي و يمهم ظل
ماتعرف علي ميت لو عدل
حتى الكلام عليها محضور
مرت سنين واجاها الخبر
علي مات كًالت وين الكبر
كًالو ذيج الكبور
ام علي اخذتها الحميه
و كًصدت الروضه الحيدريه
يابا الحسن شوف الظلم شوف الجور
ولكت عضمات ابنها الدكتور
ساعتها رفعت الصوت و كًالت
الارض الجابت علي اخذت علي
والارض يوميه تدور
الأحد أغسطس 19, 2007 7:09 pm
