بعد فوات الأوان .... لم يبقى للنصيحة طعم ... فتوقعت منه كما حدث تماما ً ...
وكانت القصيدة :
إحجي اشما ردت سولفهن اعله الناس
تسمع بس صداك ومحــــــــد يســمعك
ردتك ما تذل بس النصح ما فــــــــــاد
وإذا روحك رضت يا ناصح يقنـــعــــك
جروك الطبعهم وانته طبعـــــــــك زين
خالفت الضمير وغيــــــرت طـــبــــــعك
رحتلهم عرايه وصـــــــرت الهم ثـــــوب
بس تعتك َ .. إديهـــــــــــم باجر تنزعك
وهي نفس الإدين السوتـــــــــك دولاب
ونته الكيفت حسبـــــــــــــالك اترفعك
ما يطلع زرع كرّهوا كَاعـــــــــــك بيك
كَاع ومن تبور اشتجني من زرعـــــــك ؟
ليش المطرقتهــــــــــم شو صرت بسمار
ويوميه بدرب يافكارهه اتدفعـــــــــــك
ماخذت الدرس والـــــــــدرس واضح صار
كدامك حقيقة الشـــــــــــــوفك وسمعك
اصفن عالخشـــــــب نابك ابروحه ايبات
يقبل ينكسر بــــــــــــــــس محد يشلعك
اشكد يصمد ضواك وكل عمرهـــــم ليل
اشظل عندك بعد واتكابــــــــر ابشمعك
يكَظي وينتهي ومن تبقى بس الخيــــط
شيردك اردود ومن يلـــــم دمــــعـــــــك
بقيت الوحدّك من ترحل ابيـــــــــــا عين
تبريهه الذمــــــــــــــــم والوادم اتودعك
علكــَــم طيبتك ظنك ربحت ابهــــــــــاي ؟
صعبه ابين ناسك محـــــــــــــــد يجرعك
حتى البيك عافك من صفــــــــــات البيك
ولا وخزة ضمير الـــــــــــــــرادت اتمنعك
سراب اشما شفت يا من ركضت اسنيــــن
شنو معنى الركض واعيونك اتخدعــــــك
إشبي معنى الركض واعيونــــك تخدعك
الأربعاء أغسطس 22, 2007 6:07 pm