مدري شصاير بيه وجاري
من شفتك كل حالي اتغير
هذا اني مااصدك اني
مااشبهني ولا اتصور
لن اني موطبعي اتألم
وماابجي ولا اعرف اسهر
موكلبي الي يذوب بكلمه
قاسي كليبي ومايتأثر
ولا مو روحي الطاحت هذي
ولا هاي اجدامي التتعثر
لاتقنع روحي وتقنعني
مو عقلي التاه ولا فكر
ومو اني مااصدك اني
لا تحجي ولتحاول اكثر
ياما شكد صادفت بدربي
ماهميت بأبيض واسمر
بس انت الشاغلت اضنوني
وبتفكيري بس انت اتمر
ومدري شبيه اتسودن كلبي
لحضات بدونك مايكدر
صرت اشتاك واحزن وابجي
وهمي ايزيد بكلبي ويكبر
صرت انسه وانه الماانسه
وبس بحجاياتك اتذكر
صرت اتوسل نسمه اتجيبك
والدرب ايردك اتنطر
ومليت الصبر ومل مني
ووين الحيل واكدر اصبر
مدري شصاير متفهمني
يمكن حبيت .......ومااشعر
يمكن حبيت ومااشعر
الجمعة سبتمبر 14, 2007 5:35 am
